تصدرت النجمة الشابة منة عرفة الترند مؤخرًا عندما قدمت اعتذارها إلى نقيب الممثلين الدكتور أشرف زكي والفنانة القديرة إلهام شاهين بسبب التصريحات السابقة التي صرحت بها ضدهما عندما كانت متزوجة من زوجها السابق محمود المهدي، فقد نشرت منة صورة لنقيب الممثلين أشرف ذكى عبر حسابها الخاص بمنصة إنستجرام وهي تعتذر له عما بدر منها مؤخرًا وقالت في الرسالة:
نقيبي وأستاذي ومعلّمي والأب الروحي ليا ولينا كلنا، بعتذرلك عن أي حاجة ضايقتك مني في يوم من الأيام، أو أي حاجة صدرت مني بدون قصد تجاه حضرتك كلنا أولادك وبنتعلم منك، وأنا أولهم وآسفة لحضرتك على أي لحظة حضرتك اتضايقت فيها وكنت أنا السبب، حتى لو كانت مش مقصودة ولا عمري اقصد
وتابعت منة عرفة قائلة:
كل سنة وحضرتك طيب وبخير بمناسبة الأيام المفترجة اللي احنا فيها، انا بحبك جدًا وحضرتك عارف غلاوتك عندي قد ايه مقدرش على زعلك أبدًا، مليش غيرك يا دكتور أنت ابونا كلنا
أما عن رسالتها للنجمة إلهام شاهين فقد اعتذرت لها وعبرت عن سعادتها عندما تتصادف معها في أي تكريم أو مهرجان فقد قالت:
أستاذتنا ونجمتنا الكبيرة وقدوتنا اللي دايما بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لأنك بجد تستاهلي كل التقدير والاحترام والمحبّة، أنا عايزة أستغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة وجميلة، وقلبك طيب وجميل وأبيض زي ما اتعودنا عليه، وناجحة وبخير دايماً يا رب، وأعتذرلك وأقولك أنا آسفة عن أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جداً وبقدّرك وبقدّر فنك
جديرًا بالذكر أن منة عرفة تعود في السباق الرمضاني القادم 2025 لتشارك في مسلسل “وتقابل حبيب” للفنانة المتألقة ياسمين عبد العزيز مع كوكبة من النجوم منهم النجم خالد سليم، والنجم كريم فهمي، والنجمة نيكول سابا، المسلسل للمؤلف عمرو محمود ياسين، وللمخرج محمد خبيري.
